นิทฺเทเส ราคกิญฺจนนฺติ ราคปลิโพธํ. โทสกิญฺจนนฺติอาทีสุปิ ๒- เอเสว นโย. กาโมฆํ ติณฺโณ อนาคามิมคฺเคน. ภโวฆํ ติณฺโณ อรหตฺตมคฺเคน. ทิฏฺโฐฆํ ติณฺโณ โสตาปตฺติมคฺเคน. อวิชฺโชฆํ ติณฺโณ อรหตฺตมคฺเคน. สพฺพํ ๓- สํสารปถํ ติณฺโณ กุสลากุสลกมฺมสฺส เฉเทนาติ. ๔- อุตฺติณฺโณ ปฐมมคฺเคน. นิตฺติณฺโณ ทุติยมคเคน. อติกฺกนฺโต ตติยมคฺเคน. สมติกฺกนฺโต จตุตฺถมคฺเคน. วีติวตฺโต ผเลน.

[๒๙] กิญฺจ ภิยฺโย:- วิทฺวา จ โยติ คาถา. ตตฺถ อิธาติ อิมสฺมึ สาสเน, อตฺตภาเว วา. วิสฺสชฺชาติ โวสฺสชฺชิตฺวา.

นิทฺเทเส สชฺชนฺติ มุญฺจนํ. วิสฺสชฺชนฺติ โวสฺสชฺชนํ. เสสํ สพฺพตฺถ ปากฏเมว. เอวํ ภควา อิทมฺปิ สุตฺตํ อรหตฺตนิกูเฏเนว เทเสสิ. เทสนาปริโยสาเน จ วุตฺตสทิโส เอว ธมฺมาภิสมโย อโหสีติ.

สทฺธมฺมปฺปชฺโชติกาย จูฬนิทฺเทสฏฺฐกถาย