@๔ วิ. มหาวิ. ๑/๑/๑, ที.สี. ๙/๑๕๗,๒๕๕,๕๐๓/๔๙,๘๗,๒๒๕, ม.อุ. ๑๔/๓๔๒/๓๐๕,

@สํ. มหา. ๑๙/๙๙๗/๒๙๖ ๕ ก. วิตฺถาริโตว

@๖ ม.ม. ๑๒/๓๔-๕๖/๒๒-๓๑ ๗ ที.สี. ๙/๒๕๔-๒๙๙/๒๕๔-๒๙๙ สทฺธมฺมา จตฺตาริ รูปาวจรชฺฌานานีติ อิเม ปณฺณรส ธมฺมา เวทิตพฺพา. อิเมเยว หิ ปณฺณรส ธมฺมา ยสฺมา เอเตหิ จรติ อริยสาวโก คจฺฉติ อมตํ ทิสํ, ตสฺมา "จรณนฺ"ติ วุตฺตา. ยถาห "อิธ มหานาม อริยสาวโก สีลวา โหตี"ติ. สพฺพํ มชฺฌิมปณฺณาสเก ๑- วุตฺตนเยน เวทิตพฺพํ. ภควา อิมาหิ วิชฺชาหิ อิมินา จ จรเณน สมนฺนาคโต, เตน วุจฺจติ วิชฺชาจรณสมฺปนฺโนติ. ตตฺถ วิชฺชาสมฺปทา ภควโต สพฺพญฺญุตํ ปูเรตฺวา ฐิตา, จรณสมฺปทา มหาการุณิกตํ. โส สพฺพญฺญุตาย สพฺพสตฺตานํ อตฺถานตฺถํ ญตฺวา มหาการุณิกตาย อนตฺถํ ปริวชฺเชตฺวา อตฺเถ นิโยเชติ, ยถาตํ วิชฺชาจรณสมฺปนฺโน. เตนสฺส สาวกา สุปฏิปนฺนา โหนฺติ, โน ทุปฺปฏิปนฺนา, วิชฺชาจรณวิปนฺนานํ ๒- สาวกา อตฺตนฺตปาทโย ๓- วิย.

โสภนคมนตฺตา สุนฺทรํ ฐานํ คตตฺตา สมฺมา คตตฺตา สมฺมา จ คทตฺตา คทตฺตา สุคโต. คมนมฺปิ หิ คตนฺติ วุจฺจติ. ตญฺจ ภควโต โสภนํ ปริสุทฺธมนวชฺชํ. กึ ปน ตนฺติ? อริยมคฺโค. เตน เหส คมเนน เขมํ ทิสํ อสชฺชมาโน คโตติ โสภนคมนตฺตา สุคโต. สุนฺทรญฺเจส ฐานํ คโต อมตํ นิพฺพานนฺติ สุนฺทรํ ฐานํ คตตฺตาปิ สุคโต. สมฺมา จ คโต เตน เตน มคฺเคน ปหีเน กิเลเส ปุน อปจฺจาคจฺฉนฺโต. วุตฺตเญฺหตํ:-