17. Pārāyanatthutigāthāniddesavaṇṇanā

[93] Ito paraṃ saṅgītikārā desanaṃ thomentā "idamavoca bhagavā"tiādimāhaṃsu. Tattha idamavocāti idaṃ pārāyanaṃ avoca. Paricārikasoḷasannanti bāvarissa paricārikena piṅgiyena saha soḷasannaṃ, buddhassa vā bhagavato paricārikānaṃ soḷasannanti parivārakasoḷasannaṃ. So eva ca brāhmaṇo tatra soḷasasu disāsu pana purato ca pacchato ca vāmapassato ca dakkhiṇapassato ca cha cha yojanāni nisinnā ujukena dvādasayojanikā ahosi. Ajjhiṭṭhoti yācito.

@4 cha.Ma. soḷasānanti paricārakasoḷasānaṃ 5 cha.Ma. te eva 6 ka. soḷasa parisā