"taṇhādutiyo puriso dīghamaddhāna saṃsaraṃ

itthabhāvaññathābhāvaṃ saṃsāraṃ nātivattati.

Evamādīnavaṃ ñatvā taṇhaṃ dukkhassa sambhavaṃ

vītataṇho anādāno sato bhikkhu paribbaje"ti evaṃ taṇhāpahānaṭṭhena eko sabbakilesassa pahīnā ucchinnamūlā tālāvatthukatā anabhāvaṃkatā āyatiṃ anuppādadhammāti evaṃ ekantavigatakilesoti eko. Anācariyako hutvā sayambhū sāmaññeva paccekasambodhiṃ abhisambuddhoti evaṃ eko paccekasambodhiṃ abhisambuddhoti eko.