สติเนปกฺเก อวิคตเปโม. ทิฏฺฐิปฏิเวเธ ติพฺพจฺฉนฺโท โหติ, อายตึ จ

ทิฏฺฐิปฏิเวเธ อวิคตเปโม. อิมานิ โข ภิกฺขเว สตฺต นิทฺทสวตฺถูนี"ติ ๑-

เถโรปิ ตเถว เทสนํ อุทฺธริตฺวา "สตฺต นิทฺทสวตฺถูนี"ติ อาห.

อฏฺฐ อภิภายตนานีติ เอตฺถ อภิภุยฺยมานานิ ๒- อายตนานิ เอเตสํ ฌานานนฺติ อภิภายตนานิ, ฌานานิ. อายตนานีติ อธิฏฺฐานฏฺเฐน อายตนสงฺขาตานิ กสิณารมฺมณานิ. ญาณุตฺตริโก หิ ปุคฺคโล วิสทญาโณ "กึ เอตฺถ อารมฺมเณ สมาปชฺชิตพฺพํ, น มยฺหํ จิตฺเตกคฺคตากรเณ ภาโร อตฺถี"ติ ตานิ อารมฺมเณ อภิภวิตฺวา สมาปชฺชติ, สห นิมิตฺตุปฺปาเทเนเวตฺถ อปฺปนํ นิพฺพตฺเตตีติ อตฺโถ. เอวํ อุปฺปาทิตานิ ฌานานิ "อภิภายตนานี"ติ วุจฺจนฺติ.