ธุวสุขอตฺตวิรหิโต มคฺโค อิติ สุญฺญตา เตสุ.

นิโรธสุญฺญานิ วา ตีณิ, นิโรโธ จ เสสตฺตยสุญฺโญ. ผลสุญฺโญ วา เอตฺถ เหตุ สมุทเย ทุกฺขสฺส อภาวโต, มคฺเค จ นิโรธสฺส, น ผเลน สคพฺโภ ปกติวาทีนํ ปกติ วิย. เหตุสุญฺญญฺจ ผลํ ทุกฺขสมุทยานํ นิโรธมคฺคานญฺจ อสมวายา, น เหตุสมเวตํ เหตุผลํ สมวายวาทีนํ ทฺวิอณุกาทิ วิย. เตเนตํ วุจฺจติ:-

"ตยมิธนิโรธสุญฺญํ ตเยน เตนาปิ นิพฺพุตึ สุญฺญา

สุญฺโญ ผเลน เหตุ ผลมฺปิ ตํเหตุนา สุญฺญนฺ"ติ.