@๗ ม.มู. ๑๒/๓๓๓,๓๓๙/๒๙๗,๓๐๑ ๘ อภิ.ก. ๓๗/๑,๑๒/๑,๑๒

@๙ ขุ.ขุ. ๒๕/๑๓/๘, ขุ.สุ. ๒๕/๘/๓๗๙ ๑๐ ที.สี. ๙/๑๖๙/๕๔

อถ วา สุเตน ปกโต ผสฺสาทิโก ธมฺมปุญฺโช สุตมโย, ตสฺมึ สุตมเย ธมฺมปุญฺเช ปวตฺตํ ตํ สมฺปยุตฺตํ ญาณํ สุตมเย ญาณํ. สภาวสามญฺญลกฺขณวเสน ธมฺเม ชานาตีติ ญาณํ. ตํเยว ญาณํ ๑- ปริยายวจเนน อธิปฺปายปกาสนตฺถํ อนิยเมน "ปญฺญา"ติ วตฺวา ปจฺฉา อธิปฺเปตํ "ญาณนฺ"ติ นิยเมตฺวา วุตฺตนฺติ เวทิตพฺพํ. ญาณญฺจ นาม สภาวปฏิเวธลกฺขณํ, อกฺขลิตปฏิเวธลกฺขณํ วา กุสลิสฺสาสขิตฺตอุสุปฏิเวโธ วิย, วิสโยภาสนรสํ ปทีโป วิย, อสมฺโมหปจฺจุปฏฺฐานํ อรญฺญคตสุเทสโก วิย. "สมาหิโต ภิกฺขเว ภิกฺขุ ยถาภูตํ ปชานาตี"ติ ๒- วจนโต สมาธิปฏฺฐานํ. ลกฺขณาทีสุ หิ สภาโว วา สามญฺญํ วา ลกฺขณํ นาม, กิจฺจํ วา สมฺปตฺติ วา รโส นาม, ปฏฺฐานากาโร วา ผลํ วา ปจฺจุปฏฺฐานํ นาม, อาสนฺนการณํ ปทฏฺฐานํ นามาติ เวทิตพฺพํ.

[๒] สุตฺวาน สํวเร ปญฺญาติ:-