ทสหิ อกุสลกมฺมปเถหีติ กตเม ทส อกุสลกมฺมปถา ๓-. ปาณาติปาโต อทินฺนาทานํ กาเมสุมิจฺฉาจาโร มุสาวาโท ปิสุณา วาจา ผรุสา วาจา สมฺผปฺปลาโป อภิชฺฌา พฺยาปาโท มิจฺฉาทิฏฺฐิ. อิเม ทส อกุสลกมฺมปถา. ตตฺถ อกุสลกมฺมานิ จ ตานิ ปถา ๔- จ ทุคฺคติยาติ อกุสลกมฺมปถา. สมนฺนาคโตติ สมงฺคีภูโต.

ทสหิ สญฺโญชเนหีติ กตมานิ ทส สํโยชนานิ ๕-. กามราคสํโยชนํ ปฏิฆสํโยชนํ มานสํโยชนํ ทิฏฺฐิสํโยชนํ วิจิกิจฺฉาสํโยชนํ สีลพฺพตปรามาสสํโยชนํ

@๓ ที.ปา. ๑๑/๓๔๗/๒๓๘ ๔ ม. ปถานิ จ ๕ อภิ.วิ. ๓๕/๙๖๙/๔๗๗ ภวราคสํโยชนํ อิสฺสาสํโยชนํ มจฺฉริยสํโยชนํ อวิชฺชาสํโยชนํ. อิมานิ ทส สํโยชนานิ. มิจฺฉตฺตา วุตฺตาเยว.