[๑๓๔] จกฺขุสมฺผสฺสชํ เจตนนฺติอาทีสุ สงฺขารกฺขนฺธปริยาปนฺเนสุ ธมฺเมสุ เจตนาย ปธานตฺตา ปากฏตฺตา จ เจตนา เอว นิทฺทิฏฺฐา. ตาย อิตเรปิ นิทฺทิฏฺฐาว โหนฺติ. โส ปน เจตสิกภาววเสน ปากฏตฺตา เจตนํ "อตฺตา"ติ คณฺหาติ. เสสํ วุตฺตนยเมว.

[๑๓๕] จกฺขุวิญฺญาณนฺติอาทีสุ วิชานนวเสน จิตฺตสฺส ปากฏตฺตา จิตฺตํ "อตฺตา"ติ คณฺหาติ. เสสเมตฺถาปิ วุตฺตนยเมว.

อตฺตานุทิฏฺฐินิทฺเทสวณฺณนา นิฏฺฐิตา.

๓. มิจฺฉาทิฏฺฐินิทฺเทสวณฺณนา