อญฺญตฺถ สมโย วุตฺโต อุปโยเคน โส อิธา"ติ.

โปราณา ปน วณฺณยนฺติ:- "ตสฺมึ สมเย"ติ วา "เตน สมเยนา"ติ วา "ตํ สมยนฺ"ติ วา อภิลาปมตฺตเภโท เอส, สพฺพตฺถ ภุมฺมเมวตฺโถติ. ตสฺมา "เอกํ สมยนฺ"ติ วุตฺเตปิ "เอกสฺมึ สมเย"ติ อตฺโถ เวทิตพฺโพ.

ภควาติ ครุ. ครุํ หิ โลเก "ภควา"ติ วทนฺติ. อยญฺจ สพฺพคุณวิสิฏฺฐตาย สพฺพสตฺตานํ ครุ, ตสฺมา "ภควา"ติ เวทิตพฺโพ. โปราเณหิปิ วุตฺตํ:-

"ภควาติ วจนํ เสฏฺฐํ ภควาติ วจนมุตฺตมํ