ตตฺถ นาควณฺณนฺติ สปฺปสณฺฐานํ. สุปณฺณวณฺณนฺติ ๕- ครุฬสณฺฐานํ. อินฺทวณฺณนฺติ สกฺกสณฺฐานํ. เทววณฺณนฺติ เสสเทวสณฺฐานํ. สมุทฺทวณฺณํ ปน อาโปกสิณวเสน อิชฺฌติ. ปตฺตินฺติ ปทาตึ. วิวิธมฺปิ เสนาพฺยูหนฺติ หตฺถิอาทีนํ วเสน อเนกวิหิตํ เสนาสมูหํ. วิสุทฺธิมคฺเค ๖- ปน "หตฺถิมฺปิ ทสฺเสตีติอาทิ ปเนตฺถ พหิทฺธาปิ หตฺถิอาทิทสฺสนวเสน วุตฺตํ. ตตฺถ `หตฺถี โหมี'ติ อนธิฏฺฐหิตฺวา `หตฺถี โหตู'ติ อธิฏฺฐาตพฺพํ. อสฺสาทีสุปิ เอเสว นโย"ติ วุตฺตํ, ตํ "ปกติวณฺณํ วิชหิตฺวา"ติ วุตฺตมูลปเทน จ วิกุพฺพนิทฺธิภาเวน จ วิรุชฺฌติ. ปาฬิยํ วุตฺตกฺกเมน หิ ปกติวณฺณํ อวิชหิตฺวา อธิฏฺฐานวเสน อญฺญสฺส ทสฺสนํ อธิฏฺฐานิทฺธิ นาม, ปกติวณฺณํ วิชหิตฺวา อธิฏฺฐานวเสน อตฺตโน อญฺญถา ทสฺสนํ วิกุพฺพนิทฺธิ นาม.

@๓ วิสุทฺธิ. ๑/๒๒๔ ๔ วิสุทฺธิ. ๒/๑๔๗

@๕ ปุ.ปาฬิยํ. อนฺตรา จ สุปณฺณวณฺณปทํ อนฺตรา อินฺทวณฺณปทํ ยกฺขวณฺญฺจ