โสตธาตุวิสุทฺธิยา ปณิธี เม น วิชฺชตี"ติ ๑- เถเรน สยเมว อภิญฺญาสุ ปตฺถนาภาโว วุตฺโต. เถโร ปน สตฺตสฏฺฐิยา สาวกปารมีญาเณสุ ปารมิปฺปตฺโตติ.

สญฺชีวตฺเถรํ ปน กกุสนฺธสฺส ภควโต ทุติยอคฺคสาวกํ นิโรธสมาปนฺนํ "กาลงฺกโต"ติ สลฺลกฺเขตฺวา โคปาลกาทโย ติณกฏฺฐาทีนิ สงฺกฑฺฒิตฺวา อคฺคึ อทํสุ. เถรสฺส จีวเร อํสุมตฺตมฺปิ น ฌายิตฺถ. อยมสฺสายสฺมโต อนุปุพฺพสมาปตฺติวเสน ปวตฺตสมถานุภาวนิพฺพตฺตตฺตา สมาธิวิปฺผารา ๒- อิทฺธิ. ยถาห:-

เตน โข ปน สมเยน กกุสนฺโธ ภควา อรหํ สมฺมาสมฺพุทฺโธ

โลเก อุปฺปนฺโน โหติ. กกุสนฺธสฺส โข ปน ปาปิม ภควโต อรหโต