Cattāri dhammapadānīti cattāro dhammakoṭṭhāsā. Katamāni cattāri. Anabhijjhā dhammapadaṃ, abyāpādo dhammapadaṃ, sammāsati dhammapadaṃ, sammāsamādhi dhammapadaṃ. Anabhijjhādhammapadaṃ nāma alobho vā anabhijjhāvasena adhigatajjhāna- vipassanāmaggaphalanibbānāni vā. Abyāpādo dhammapadaṃ nāma akodho vā mettāsīsena adhigatajjhānādīni vā. Sammāsamādhi dhammapadaṃ nāma aṭṭhasamāpatti vā aṭṭhasamāpattisīsena adhigatajjhānādīni vā. Dasaasubhavasena vā adhigatajjhānādīni anabhijjhā dhammapadaṃ, catubrahmavihāravasena adhigatāni abyāpādo dhammapadaṃ, dasānussatiāhārepaṭikūlasaññāvasena adhigatāni sammāsati

@3 khu.su. 25/563/448 4 saṃ.sa. 15/29/18

@5 cha.Ma. sappurisāvassayo, pāḷi. sappurisūpassayo