Ariyānaṃ adassāvītiādīsu ariyāti ārakattā kilesehi, anaye na iriyanato. Aye ca iriyanato, sadevakena ca lokena araṇīyato buddhā ca paccekabuddhā ca buddhasāvakā ca vuccanti, buddhā eva vā idha ariyā. Yathāha:- "sadevake bhikkhave loke .pe. Tathāgato ariyoti vuccatī"ti 5-. Sappurisāti ettha pana

@3 khu.mahā. 29/430/298 (syā) 4 i. pakārehi 5 saṃ.mahā. 19/1098/380 Paccekabuddhā tathāgatasāvakā ca "sappurisā"ti veditabbā. Te hi lokuttaraguṇayogena sobhanā purisāti sappurisā. Sabbeyeva vā ete dvedhāpi vuttā. Buddhāpi hi ariyā ca sappurisā ca paccekabuddhā buddhasāvakāpi. Yathāha:-

"yo ve kataññū katavedi dhīro