[137] Sakkāyadiṭṭhīti pana attānudiṭṭhiyeva, aññattha āgatapariyāyavacana- dassanatthaṃ vuttāti veditabbā.

5. Sassatadiṭṭhiniddesavaṇṇanā

[138] Sakkāyavatthukāya sassatadiṭṭhiyāti kammadhārayasamāso. Rūpavantaṃ vā attānantiādīnaṃ paṇṇarasannaṃ vacanānaṃ ante samanupassatīti sambandho kātabbo, pāṭho vā. Aññathā hi na ghaṭīyatīti. Evaṃ "rūpavantaṃ vā attānaṃ samanupassatī"ti ekameva dassetvā sesā cuddasa saṅkhittā.