6. Ñāṇarāsichakkaniddesavaṇṇanā

[183] Idāni chahi rāsīhi uddiṭṭhañāṇesu catuvīsatisamādhiñāṇaniddese tāva kāyānupassanādīnaṃ tiṇṇaṃ catukkānaṃ vasena dvādasannaṃ vatthūnaṃ ekekasmiṃ assāsavasena eko, passāsavasena ekoti dve dve samādhīti dvādasasu vatthūsu catuvīsati dhayo honti. Ñāṇakkhaṇe tehi sampayuttāni catuvīsatisamādhivasena ñāṇāni.

Dvāsattativipassanāñāṇaniddese dīghaṃ assāsāti "dīghan"ti vuttaassāsato. Kiṃ vuttaṃ hoti? dīghaṃ assāsahetu jhānaṃ paṭilabhitvā samāhitena cittena Vipassanākkhaṇe aniccato anupassanaṭṭhena vipassanāti vuttaṃ hoti. Esa nayo uttaratrāpi. Tesaṃyeva dvādasannaṃ vatthūnaṃ ekekasmiṃ assāsavasena tisso, passāsavasena tissoti

Tā eva dvāsattati anupassanā dvāsattativipassanāvasena ñāṇāni.