เถรีอปทาเนสุ จตฺตาฬีสํ อปทานานิ, วคฺคโต จตุโร วคฺคา. เตนาหุ โปราณา:-

"จตฺตาฬีสํปทานานิ จตุวคฺคานิ ยสฺส จ

อิทํ เถรีปทานนฺติ จตุตฺถํ อนุโลมโต"ติ.

อปทานนฺติ เอตฺถ อปทานสทฺโท การณคหณอปคมนปฏิปาฏิอกฺโกสนาทีสุ ทิสฺสติ. ตถา หิ เอส "ขตฺติยานํ อปทานํ พฺราหฺมณานํ อปทานนฺ"ติอาทีสุ การเณ ทิสฺสติ, ขตฺติยานํ การณํ พฺราหฺมณานํ การณนฺติ อตฺโถ. "อุปาสกานํ อปทานนฺ"ติอาทีสุ คหเณ ทิสฺสติ, สํ สุฏฺฐุ คหณนฺติ อตฺโถ. "วาณิชานํ อปทานํ สุทฺทานํ อปทานนฺ"ติอาทีสุ อปคมเน ทิสฺสติ,