อิติ เอตฺตาวตา จ ยถา อทฺธานคามิโน "มคฺคํ โน อาจิกฺขา"ติ ปุฏฺเฐน "วามํ มุญฺจิตฺวา ทกฺขิณํ คณฺหถา"ติ วุตฺเต เตน มคฺเคน คามนิคมราชธานีสุ กตฺตพฺพกิจฺจํ นิฏฺฐาเปตฺวา ปุน มุญฺจิเตน อปเรน วามมคฺเคน คตาปิ คามนิคมาทีสุ กตฺตพฺพกิจฺจํ นิฏฺฐาเปนฺติ, เอวเมว พุทฺธาปทานํ กุสลาปทานวเสน นิฏฺฐาเปตฺวา ตเทว อกุสลาปทานวเสน วิตฺถาเรตุํ อิทํ ปญฺหกมฺมํ:-

"ทุกฺกรญฺจ อพฺภกฺขานํ อพฺภกฺขานํ ปุนาปรํ

อพฺภกฺขานํ สิลาเวโธ สกลิกาปิ จ เวทนา.

นาฬาคิริ สตฺตจฺเฉโท สีสทุกฺขํ ยวขาทนํ