อยํ ปน คาถาวณฺณนา:- ตตฺถ ทิสฺวาติ โอโลเกตฺวา. สุวณฺณสฺสาติ กญฺจนสฺส. "วลยานี"ติ ปาฐเสโส. สาวเสสปทตฺโถ หิ อยํ อตฺโถ. ปภสฺสรานีติ ปภาสนสีลานิ, ชุติมนฺตานีติ วุตฺตํ โหติ. เสสํ อุตฺตานปทตฺถเมว. อยํ ปน โยชนา:- ทิสฺวา ภุชสฺมึ สุวณฺณสฺส วลยานิ "คณวาเส สติ สงฺฆฏฺฏนา, เอกวาเส อสงฺฆฏฺฏนา"ติ เอวํ จินฺเตตฺวา วิปสฺสนํ อารภิตฺวา อธิคโตมฺหีติ. เสสํ สุวิญฺเญยฺยเมวาติ.

สุวณฺณวลยคาถาวณฺณนา นิฏฺฐิตา.

อายติภยคาถาวณฺณนา ๑-