อสํสฏฺฐา จ เต ธีรา มม สิสฺสา ทุราสทา.

ตตฺถ จกฺขาทีสุ ฉสุ ทฺวาเรสุ รูปาทีสุ ฉสุ อารมฺมเณสุ สํวุตา ปิหิตา ปฏิจฺฉนฺนา, รกฺขิตโคปิตทฺวาราติ อตฺโถ. อเนชา นิตฺตณฺหา รกฺขิตินฺทฺริยา โคปิตจกฺขาทิอินฺทฺริยา อสํสฏฺฐา ญาตีหิ คหฏฺเฐหิ อมิสฺสีภูตาติ อตฺโถ. ทุราสทาติ ทุฏฺฐุ อาสทา, อาสาเทตุํ ฆฏฺเฏตุํ อสกฺกุเณยฺยา อโยคฺคาติ อตฺโถ.

[๑๘๒] ปลฺลงฺเกน นิสชฺชาย ฐานจงฺกมเนน จ

วีตินาเมนฺติ เต รตฺตึ มม สิสฺสา ทุราสทา.