[๓๑๔] อุฬุราชาว ตารกราชา อิว จ โสภสิ.

[๓๑๕] รุกฺขปพฺพตรตนสตฺตาทโย ธาเรตีติ ธรณี, ธรณิยํ รุหา สญฺชาตา วฑฺฒิตา จาติ ธรณีรุหา รุกฺขา. ปฐวิยํ ปติฏฺฐาย รุหนฺติ วฑฺฒนฺติ วุฑฺฒึ วิรุฬฺหึ อาปชฺชนฺติ. เวปุลฺลตํ วิปุลฺลภาวํ ปริปูรภาวํ ปาปุณนฺติ, เต รุกฺขา กเมน ผลํ ทสฺสยนฺติ ผลธาริโน โหนฺติ.

[๓๑๗-๙] ปุนปิ ภควนฺตเมว โถเมนฺโต สินฺธุ สรสฺสตีติอาทิมาห. ตตฺถ สินฺธุวาทิ ๒- นาม คงฺคา จ, สรสฺสตี นาม คงฺคา จ, นนฺทิยคงฺคา จ จนฺทภาคาคงฺคา จ, คงฺคา นาม คงฺคา จ, ยมุนา นาม คงฺคา จ, สรภู นาม คงฺคา จ, มหี นาม คงฺคา จ. สนฺทมานานํ คจฺฉนฺตีนํ เอตาสํ คงฺคานํ สาคโรว สมุทฺโท เอว สมฺปฏิจฺฉติ ปฏิคฺคณฺหาติ ธาเรติ. ตทา เอตา สพฺพคงฺคา ปุริมํ นามํ