[๔๐๔] ตสฺส เจติยสฺส มหิมํ ๖- ทสฺเสนฺโต อคฺคิกฺขนฺโธวาติอาทิมาห. ตตฺถ อคฺคิกฺขนฺโธวาติ อากาเส ชลมาโน อคฺคิกฺขนฺโธว อคฺคิราสิ อิว ตํ เจติยํ สตฺตหิ รตเนหิ ชลติ ผุลฺลิโต วิกสิตปุปฺโผ สาลรุกฺขราชา อิว

@๔ () ฉ.ม. ๔๐๒. ๕ ปาฬิ. โลกนาถสฺมึ. ๖ ม. ปฏิมํ. อากาเส อินฺทลฏฺฐีว อินฺทธนุ อิว จ จตุทฺทิสา จตูสุ ทิสาสุ โอภาสติ วิชฺโชตตีติ สมฺพนฺโธ.

[๔๐๕] ตตฺถ จิตฺตํ ปสาเทตฺวาติ ตสฺมึ โชตมานธาตุคพฺภมฺหิ จิตฺตํ มนํ ปสาเทตฺวา โสมนสฺสํ กตฺวา เตน จิตฺตปฺปสาเทน พหุํ อเนกปฺปการํ กุสลํ ปุญฺญํ กตฺวาน "ธาตุคพฺเภ จ สาสเน จ เอตฺตกานิ ปุญฺญานิ มยา กตานี"ติ เอวํ ปุญฺญกมฺมํ สริตฺวาน กาลํ กตฺวา ติทสํ ตาวตึสภวนํ สุตฺตปฺปพุทฺโธ วิย อหํ อุปปชฺชึ ๑- ชาโตติ สมฺพนฺโธ.