[๖๑๖] จตุทฺทิสํ ๓- นมสฺสิตฺวาติ จตูสุ ทิสาสุ นมสฺสิตฺวา สกํ จิตฺตํ อตฺตโน จิตฺตํ ปสาเทตฺวา อาทเรน ปติฏฺฐาเปตฺวา สีหนาทํ อภีตนาทํ อนทึ ๔- โฆเสสินฺติ อตฺโถ.

[๖๑๗] ตโต พุทฺเธน ทินฺนพฺยากรณํ ปกาเสนฺโต ปทุมุตฺตโรติอาทิมาห. ตํ อุตฺตานตฺถเมว.

[๖๑๘] วทตํ เสฏฺโฐติ "มยํ พุทฺธา, มยํ พุทฺธา"ติ วทนฺตานํ อญฺญติตฺถิยานํ เสฏฺโฐ อุตฺตโม พุทฺโธ อาคโตติ สมฺพนฺโธ. ตสฺส อาคตสฺส ภควโต ตํ ธมฺมํ โสสฺสาม สุณิสฺสามาติ อตฺโถ.