[๒๘] ตมฺเม พุทฺโธ วิยากาสีติ เอตฺถ ตนฺติ สามฺยตฺเถ อุปโยควจนํ, ตสฺส วตฺถทายกสฺส เม ทานผลํ วิเสเสน อกาสิ กเถสิ พุทฺโธติ อตฺโถ. ชลชุตฺตมนามโกติ ปทุมุตฺตรนามโก. "ชลรุตฺตมนายโก"ติปิ ปาโฐ. ตสฺส

[๒๙] เทฺว สมฺปตฺตึ อนุโภตฺวาติ ทิพฺพมนุสฺสสงฺขาตา เทฺว สมฺปตฺติโย อนุภวิตฺวา. กุสลมูเลหิ โจทิโตติ กุสลาวยเวหิ กุสลโกฏฺฐาเสหิ โจทิโต เปสิโต, "ตฺวํ อิมินา ปุญฺเญน สตฺถุ กุลํ ปสวาหี"ติ ๑- เปสิโต วิยาติ อตฺโถ. "โคตมสฺส ภควโต กนิฏฺโฐ ตฺวํ ภวิสฺสสี"ติ พฺยากาสีติ สมฺพนฺโธ.

[๓๐] ราครตฺโต สุขสีโลติ กิเลสกาเมหิ รตฺโต อลฺลีโน กายสุขจิตฺต- สุขานุภวนสภาโว. กาเมสุ เคธมายุโตติ วตฺถุกาเมสุ เคธสงฺขาตาย ตณฺหาย อายุโต โยชิโตติ อตฺโถ. พุทฺเธน โจทิโต สนฺโต, ตทา ๒- ตฺวนฺติ ยสฺมา กาเมสุ เคธิโต, ตทา ๓- ตสฺมา ตฺวํ อตฺตโน ภาตุเกน โคตมพุทฺเธน โจทิโต ปพฺพชฺชาย อุยฺโยชิโต ตสฺส สนฺติเก ปพฺพชิสฺสสีติ สมฺพนฺโธ.