Ekoti pabbajjāsaṅkhātena eko, adutiyaṭṭhena eko, taṇhāya pahānaṭṭhena eko, ekantavigatakilesoti eko, eko paccekasambodhiṃ abhisambuddhoti eko. Samaṇasahassassāpi hi majjhe vattamāno gihisaṃyojanassa chinnattā eko, evaṃ pabbajjāsaṅkhātena eko. Eko tiṭṭhati, eko gacchati, eko nisīdati, eko seyyaṃ kappeti, eko iriyati evaṃ adutiyaṭṭhena eko.

"taṇhādutiyo puriso dīghamaddhānasaṃsaraṃ

itthabhāvaññathābhāvaṃ saṃsāraṃ nātivattati.

Etamādīnavaṃ ñatvā taṇhaṃ dukkhassa sambhavaṃ