Tattha evaṃ sabbaṅgasampanneti sabbehi nadikādiavayavehi sampanne paripuṇṇe pupphaphalarukkhehi gahanībhūte vane sukate ramaṇīye assame araññāvāse tadā tāpasabhūtakāle ahaṃ viharāmīti attho.

Ettāvatā assamasampattiṃ dassetvā idāni attano sīlādiguṇasampattiṃ dassento:-

[174] "sīlavā vattasampanno jhāyī jhānarato sadā

pañcābhiññābalappatto suruci nāma tāpaso"ti āha.