[183] Rajanīye na rajjanti dussanīye na dussare

mohanīye na muyhanti mama sissā durāsadā.

Te itthambhūtā mama sissā tāpasā rajanīye rajjitabbe vatthusmiṃ na rajjanti rajjaṃ na uppādenti. Dussanīye dussitabbe dosaṃ uppādetuṃ yutte vatthumhi na dussare dosaṃ na karonti. Mohanīye mohituṃ yutte vatthumhi na muyhanti mohaṃ na karonti. Paññāsampayuttā bhavantīti attho.

[184] Iddhiṃ vīmaṃsamānā te vattanti niccakālikaṃ