[๒๑๓] |๒๑๓.๑| สิทฺธตฺถสฺส ภควโต ทิปทินฺทสฺส ตาทิโน นาคเสฏฺโฐ มยา ทินฺโน อีสาทนฺโต อุรูฬฺหโว ฯ |๒๑๓.๒| อุตฺตมตฺถํ อนุโภมิ สนฺติปทมนุตฺตรํ นาคทานํ มยา ทินฺนํ สพฺพโลกหิเตสิโน ฯ |๒๑๓.๓| จตุนวุเต อิโต กปฺเป ยํ นาคมททึ ตทา ทุคฺคตึ นาภิชานามิ นาคทานสฺสิทํ ผลํ ฯ |๒๑๓.๔| อฏฺฐสตฺตติกปฺปมฺหิ โสฬสาสึสุ ขตฺติยา สมนฺตปาสาทิกา นาม จกฺกวตฺตี มหพฺพลา ฯ |๒๑๓.๕| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา หตฺถิทายโก เถโร อิมา คาถาโย อภาสิตฺถาติ ฯ หตฺถิทายกตฺเถรสฺส อปทานํ สมตฺตํ ฯ