[๒๕๑] |๒๕๑.๓๐| ปทุมุตฺตโร นาม ชิโน สยมฺภู อคฺคปุคฺคโล จตุสจฺจํ ปกาเสติ เทเสติ อมตํ ปทํ ฯ |๒๕๑.๓๑| พิมฺพิชาลกปุปฺผานิ ๑- ปุถุ กตฺวานหํ ตทา พุทฺธสฺส อภิโรเปสึ ทิปทินฺทสฺส ตาทิโน ฯ |๒๕๑.๓๒| อฏฺฐสฏฺฐิมฺหิโต กปฺเป จตุโร กิญฺชเกสรา สตฺตรตนสมฺปนฺนา จกฺกวตฺตี มหพฺพลา ฯ |๒๕๑.๓๓| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา พิมฺพิชาลปุปฺผิโย เถโร อิมา คาถาโย อภาสิตฺถาติ ฯ พิมฺพิชาลปุปฺผิยตฺเถรสฺส อปทานํ สมตฺตํ ฯ