[๒๖๖] |๒๖๖.๑๔| เทวภูโต อหํ สนฺโต โอรุยฺห ปฐวึ ตทา ปทีเป ปญฺจ ปาทาสึ ปสนฺโน เสหิ ปาณิหิ ฯ |๒๖๖.๑๕| จตุนวุเต อิโต กปฺเป ยํ ทีปมททึ ตทา ทุคฺคตึ นาภิชานามิ ทีปทานสฺสิทํ ผลํ ฯ |๒๖๖.๑๖| ปญฺจปญฺญาสเก กปฺเป เอโก อาสึ มหีปติ สมนฺตจกฺขุ นาเมน จกฺกวตฺติ มหพฺพโล ฯ |๒๖๖.๑๗| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา ทีปทายโก ๑- เถโร อิมา คาถาโย อภาสิตฺถาติ ฯ ทีปทายกตฺเถรสฺส อปทานํ สมตฺตํ ฯ @เชิงอรรถ: ๑ ม. ปทีปทายโก ฯ ยุ. อรณทีปิโย ฯ