[๓๑๗] |๓๑๗.๒๐| สุวณฺณวณฺณํ สมฺพุทฺธํ สตรํสีว ๑- ภาณุมํ อวิทูเรน คจฺฉนฺตํ สิทฺธตฺถํ อปราชิตํ ฯ |๓๑๗.๒๑| ตสฺส ปจฺจุคฺคมิตฺวาน ปเวเสตฺวาน อสฺสมํ ปุปฺผาสนํ มยา ทินฺนํ วิปฺปสนฺเนน เจตสา ฯ |๓๑๗.๒๒| อญฺชลึ ปคฺคเหตฺวาน เวทชาโต ตทา อหํ พุทฺเธ จิตฺตํ ปสาเทตฺวา กมฺมนฺตํ ปริณามยึ ฯ |๓๑๗.๒๓| ยํ เม อตฺถิ กตํ ปุญฺญํ สยมฺภุํ ๒- อปราชิตํ สพฺเพน เตน กุสเลน วิมโล โหมิ สาสเน ฯ |๓๑๗.๒๔| จตุนวุเต อิโต กปฺเป ปุปฺผาสนมทํ ตทา ทุคฺคตึ นาภิชานามิ ปุปฺผาสนสฺสิทํ ผลํ ฯ |๓๑๗.๒๕| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา ปุปฺผาสนทายโก เถโร อิมา คาถาโย อภาสิตฺถาติ ฯ ปุปฺผาสนทายกตฺเถรสฺส อปทานํ สมตฺตํ ฯ