[๗๐] |๗๐.๕๓| อโนมทสฺสี ภควา นิสินฺโน ปพฺพตนฺตเร เมตฺตาย อผริ โลเก อปฺปมาเณ นิรูปธิ ฯ |๗๐.๕๔| กปิ อหํ ตทา อาสึ หิมวนฺเต นคุตฺตเม ทิสฺวา อโนมมธิกํ ๑- พุทฺเธ จิตฺตํ ปสาทยึ ฯ |๗๐.๕๕| อวิทูเร หิมวนฺตสฺส อมฺพาสุํ ผลิโน ตทา ตโต ปกฺกํ คเหตฺวาน อมฺพํ สมธุกํ อทํ ฯ |๗๐.๕๖| ตมฺเม พุทฺโธ วิยากาสิ อโนมทสฺสี มหามุนิ อิมินา มธุทาเนน อมฺพปาเนน จูภยํ ฯ |๗๐.๕๗| สตฺตปญฺญาสกปฺปานิ เทวโลเก รมิสฺสติ อวเสเสสุ กปฺเปสุ โวกิณฺณํ สํสริสฺสติ ฯ |๗๐.๕๘| เขเปตฺวา ปาปกํ กมฺมํ ปริปกฺกาย วุทฺธิยา ๒- วินิปาตาทิหาคนฺตฺวา กิเลเส ฌาปยิสฺสติ ฯ |๗๐.๕๙| ทเมน อุตฺตเมนาหํ ทมิโตมฺหิ มเหสินา ปตฺโตมฺหิ อจลํ ฐานํ หิตฺวา ชยปราชยํ ฯ |๗๐.๖๐| สตฺตสตฺตติกปฺปสเต อมฺพฏฺฐชยนามกา ๓- จตุทฺทสา เต ราชาโน จกฺกวตฺตี มหพฺพลา ฯ |๗๐.๖๑| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ @เชิงอรรถ: ๑ ม. อโนมทสฺสึ ตํ ฯ ยุ. อโนมมมิตํ ฯ ๒ ม. ยุ. พุทฺธิยา ฯ @ ๓ ม. ยุ. อมฺพฏฺฐชสนามกา ฯ อิตฺถํ สุทํ อายสฺมา อมฺพทายโก เถโร อิมา คาถาโย อภาสิตฺถาติ ฯ อมฺพทายกตฺเถรสฺส อปทานํ สมตฺตํ ฯ