[๓๑๐] |๓๑๐.๓๙| อตฺถทสฺสิสฺส มุนิโน อทฺทสํ สาวกํ อหํ นวกมฺมํ กโรนฺตสฺส สีมาย อุปคญฺฉหํ ฯ |๓๑๐.๔๐| นิฏฺฐิเต นวกมฺเม จ อนุเลปํ อทาสหํ ปสนฺนจิตฺโต สุมโน ปุญฺญกฺเขตฺเต อนุตฺตเร ฯ |๓๑๐.๔๑| อฏฺฐารเส กปฺปสเต ยํ กมฺมมกรึ ตทา ทุคฺคตึ นาภิชานามิ อนุเลปสฺสิทํ ผลํ ฯ |๓๑๐.๔๒| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา อนุเลปทายโก เถโร อิมา คาถาโย อภาสิตฺถาติ ฯ อนุเลปทายกตฺเถรสฺส อปทานํ สมตฺตํ ฯ