[๓๒๑] |๓๒๑.๔๗| สินฺธุยา นทิยา ตีเร อโหสึ กสฺสโก ตทา ปรกมฺมายเน ยุตฺโต ปรภตฺตํ อปสฺสิโต ฯ |๓๒๑.๔๘| สินฺธุํ อนุจรนฺโตหํ สิทฺธตฺถํ ชินมทฺทสํ สมาธินา นิสินฺนํ จ ๒- สตฺตปตฺตํว ปุปฺผิตํ ฯ @เชิงอรรถ: ๑ ม. ยุ. ญาณธโร ฯ ๒ ม. ยุ. ว ฯ |๓๒๑.๔๙| สตฺตกํ นาลิปุปฺผานิ วณฺเฏ เฉตฺวานหนฺตทา มตฺถเก อภิโรเปสึ พุทฺธสฺสาทิจฺจพนฺธุโน ฯ |๓๒๑.๕๐| สุวณฺณวณฺณํ สมฺพุทฺธํ อนุกูเล สมาหิตํ ติธาปฺปภินฺนํ มาตงฺคํ กุญฺชรํว ทุราสทํ ฯ |๓๒๑.๕๑| ตมหํ อุปคนฺตฺวาน นิปกํ ภาวิตินฺทฺริยํ อญฺชลึ ปคฺคเหตฺวาน อวนฺทึ สตฺถุโน อหํ ฯ |๓๒๑.๕๒| จตุนวุเต อิโต กปฺเป ยํ ปุปฺผมภิปูชยึ ทุคฺคตึ นาภิชานามิ พุทฺธปูชายิทํ ผลํ ฯ |๓๒๑.๕๓| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา นาลิปุปฺผิโย เถโร อิมา คาถาโย อภาสิตฺถาติ ฯ นาลิปุปฺผิยตฺเถรสฺส อปทานํ สมตฺตํ ฯ