[๓๔๖] |๓๔๖.๒๗| หิมวนฺตสฺสวิทูเร ๑- ภูตคโณ นาม ปพฺพโต ตตฺถทฺทสํ ปํสุกูลํ ทุมคฺคมฺหิ วิลคฺคิตํ ฯ |๓๔๖.๒๘| ตีณิ กิงฺกณิปุปฺผานิ โอจินิตฺวานหํ ตทา หฏฺโฐ หฏฺเฐน จิตฺเตน ปํสุกูลํ อปูชยึ ฯ |๓๔๖.๒๙| เอกตฺตึเส อิโต กปฺเป ยํ กมฺมมกรึ ตทา ทุคฺคตึ นาภิชานามิ ติณฺณํ ปุปฺผานิทํ ผลํ ฯ @เชิงอรรถ: ๑ โป. ยุ. --- อวิทูเร ฯ อิโต ปรํ อีทิสเมว ฯ |๓๔๖.๓๐| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา ตีณิกิงฺกณิปูชโก เถโร อิมา คาถาโย อภาสิตฺถาติ ฯ ตีณิกิงฺกณิปูชกตฺเถรสฺส อปทานํ สมตฺตํ ฯ