TIPITAKA Volume 32 : PALI ROMAN Sutta Pitaka Vol 24 : Sutta. Khu. Apa(1) Sattamaṃ yudhikapupphiyattherāpadānaṃ (167)

[169] |169.33| Candabhāgānadītīre anusotaṃ vajāmahaṃ sayambhuṃ addasaṃ tattha sālarājaṃva phullitaṃ 1- . |169.34| Pupphaṃ yudhikamādāya upagacchiṃ mahāmuniṃ pasannacitto sumano buddhassa abhiropayiṃ. |169.35| Catunavute ito kappe yaṃ pupphaṃ abhiropayiṃ duggatiṃ nābhijānāmi buddhapūjāyidaṃ phalaṃ. |169.36| Sattasaṭṭhimhito kappe eko sāmuddharo ahu 2- sattaratanasampanno cakkavatti mahabbalo. |169.37| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā yudhikapupphiyo thero imā gāthāyo abhāsitthāti. Yudhikapupphiyattherassa apadānaṃ samattaṃ.