TIPITAKA Volume 32 : PALI ROMAN Sutta Pitaka Vol 24 : Sutta. Khu. Apa(1) Catutthaṃ campakapupphiyattherāpadānaṃ (254)

[256] |256.13| Himavantaavidūre vikano 1- nāma pabbato tassa vemajjhe vasati samaṇo bhāvitindriyo. |256.14| Disvāna tassopasamaṃ vippasannena cetasā tīṇi campakapupphāni gahetvāna samokiriṃ. |256.15| Ekanavute ito kappe yaṃ pupphamabhiropayiṃ duggatiṃ nābhijānāmi buddhapūjāyidaṃ phalaṃ. |256.16| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā campakapupphiyo 2- thero imā gāthāyo abhāsitthāti. Campakapupphiyattherassa apadānaṃ samattaṃ.