TIPITAKA Volume 32 : PALI ROMAN Sutta Pitaka Vol 24 : Sutta. Khu. Apa(1) Ekattiṃsatimo padumakesariyavaggo paṭhamaṃ padumakesariyattherāpadānaṃ (301)

[303] |303.1| Isisaṅghe ahaṃ pubbe āsiṃ mātaṅgavāraṇo mahesīnaṃ pasādena padumakesaramokiriṃ 2- . |303.2| Paccekajinaseṭṭhesu dhutarāgesu tādisu tesu cittaṃ pasādetvā kappaṃ saggamhi modahaṃ. |303.3| Ekanavute ito kappe kesaraṃ okiriṃ tadā duggatiṃ nābhijānāmi buddhapūjāyidaṃ phalaṃ. |303.4| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. @Footnote: 1 Ma. tisataṃ apadānānaṃ. 2 Ma. paddhakesaramokiriṃ. Itthaṃ sudaṃ āyasmā padumakesariyo thero imā gāthāyo abhāsitthāti. Padumakesariyattherassa apadānaṃ samattaṃ.