TIPITAKA Volume 32 : PALI ROMAN Sutta Pitaka Vol 24 : Sutta. Khu. Apa(1) Catutthaṃ sattapadumiyattherāpadānaṃ (314)

[316] |316.14| Nadīkūle vasāmahaṃ nesādo nāma brāhmaṇo sattapattehi pupphehi sammajjitvāna assamaṃ. |316.15| Suvaṇṇavaṇṇaṃ sambuddhaṃ siddhatthaṃ lokanāyakaṃ disvā vanena 1- gacchantaṃ hāso me upapajjatha. |316.16| Paccuggantvāna sambuddhaṃ lokajeṭṭhaṃ narāsabhaṃ assamaṃ atināmetvā jalajaggehi okiriṃ. |316.17| Catunavute ito kappe yaṃ pupphamabhipūjayiṃ duggatiṃ nābhijānāmi buddhapūjāyidaṃ phalaṃ. |316.18| Ito te sattame kappe caturo pādapāvarā sattaratanasampannā cakkavattī mahabbalā. |316.19| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā sattapadumiyo thero imā gāthāyo abhāsitthāti. Sattapadumiyattherassa apadānaṃ samattaṃ. @Footnote: 1 Ma. nabhena.