TIPITAKA Volume 32 : PALI ROMAN Sutta Pitaka Vol 24 : Sutta. Khu. Apa(1) Catutthaṃ tīṇikiṅkaṇipūjakattherāpadānaṃ (344)

[346] |346.27| Himavantassavidūre 1- bhūtagaṇo nāma pabbato tatthaddasaṃ paṃsukūlaṃ dumaggamhi vilaggitaṃ. |346.28| Tīṇi kiṅkaṇipupphāni ocinitvānahaṃ tadā haṭṭho haṭṭhena cittena paṃsukūlaṃ apūjayiṃ. |346.29| Ekattiṃse ito kappe yaṃ kammamakariṃ tadā duggatiṃ nābhijānāmi tiṇṇaṃ pupphānidaṃ phalaṃ. @Footnote: 1 Po. Yu. --- avidūre. ito paraṃ īdisameva. |346.30| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā tīṇikiṅkaṇipūjako thero imā gāthāyo abhāsitthāti. Tīṇikiṅkaṇipūjakattherassa apadānaṃ samattaṃ.