TIPITAKA Volume 32 : PALI ROMAN Sutta Pitaka Vol 24 : Sutta. Khu. Apa(1) Sattamaṃ puṭakapūjakattherāpadānaṃ (357)

[359] |359.26| Divāvihārā nikkhanto vipassī lokanāyako bhikkhāya vicaranto so mama santikamupāgami. |359.27| Tato pītito 1- sumano buddhaseṭṭhassa tādino loṇasupuṭakaṃ datvā kappaṃ saggamhi modahaṃ. |359.28| Ekanavute ito kappe yaṃ puṭakamadāsahaṃ 2- duggatiṃ nābhijānāmi puṭakassa 3- idaṃ phalaṃ. |359.29| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā puṭakapūjako 4- thero imā gāthāyo abhāsitthāti. Puṭakapūjakattherassa apadānaṃ samattaṃ.