TIPITAKA Volume 32 : PALI ROMAN Sutta Pitaka Vol 24 : Sutta. Khu. Apa(1) Aṭṭhamaṃ tikaṇṇipupphiyattherāpadānaṃ (188)

[190] |190.46| Devabhūto ahaṃ santo accharāhi purakkhato pubbakammaṃ saritvāna buddhaseṭṭhaṃ anussariṃ. |190.47| Tikaṇṇipupphaṃ paggayha sakaṃ cittaṃ pasādayiṃ buddhamhi 2- abhiropesiṃ vipassimhi narāsabhe. |190.48| Ekanavute ito kappe yaṃ pupphaṃ abhiropayiṃ duggatiṃ nābhijānāmi buddhapūjāyidaṃ phalaṃ. |190.49| Tesattatimhito kappe caturosuṃ 3- ramuttamā sattaratanasampannā cakkavattī mahabbalā. @Footnote: 1 Ma. Yu. taṃ dhīraṃ abhivādetvā. 2 Yu. buddhassa. 3 Yu. caturāsuṃ naruttamā. @Ma. caturāsuṃ ramuttamā. |190.50| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā tikaṇṇipupphiyo thero imā gāthāyo abhāsitthāti. Tikaṇṇipupphiyattherassa apadānaṃ samattaṃ.