TIPITAKA Volume 32 : PALI ROMAN Sutta Pitaka Vol 24 : Sutta. Khu. Apa(1) Chaṭṭhaṃ adhimuttakattherāpadānaṃ (36)

[38] |38.84| Nibbute lokanāthamhi atthadassinaruttame nimantetvā 1- bhikkhusaṅghaṃ vippasannena cetasā. |38.85| Nimantetvā saṅgharatanaṃ 2- ujubhūtaṃ samāhitaṃ ucchunā maṇḍapaṃ katvā bhojesiṃ saṅghamuttamaṃ. |38.86| Yaṃ yaṃ yonūpapajjāmi devattaṃ atha mānusaṃ sabbe satte abhibhomi puññakammassidaṃ phalaṃ. |38.87| Aṭṭhārase kappasate yaṃ dānamadadiṃ tadā duggatiṃ nābhijānāmi ucchudānassidaṃ phalaṃ. |38.88| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. @Footnote: 1 Ma. upaṭṭhahiṃ. 2 Ma. bhikkhusaṅghaṃ. Itthaṃ sudaṃ āyasmā adhimuttako thero imā gāthāyo abhāsitthāti. Adhimuttakattherassa apadānaṃ samattaṃ.