๒๔. กกุสนฺธพุทฺธวํสวณฺณนา

เวสฺสภุมฺหิ สยมฺภุมฺหิ ปรินิพฺพุเต ตสฺมึ ปน กปฺเป อติกฺกนฺเต เอกูนตฺตึสกปฺเปสุ ชินทิวสกรา อุปฺปชฺชึสุ. ๑- อิมสฺมึ ปน ภทฺทกปฺเป จตฺตาโร พุทฺธา นิพฺพตฺตึสุ. กตเม จตฺตาโร? กกุสนฺโธ โกณาคมโน กสฺสโป อมฺหากํ

ยทา ปน พฺราหฺมณา ขตฺติเย สกฺกโรนฺติ ครุกโรนฺติ มาเนนฺติ ปูเชนฺติ. ตทา ขตฺติยกุเล อุปฺปชฺชนฺติ. ตทา กิร พฺราหฺมณา ขตฺติเยหิ สกฺกรียนฺติ ครุกรียนฺติ. ตสฺมา สจฺจสนฺโธ กกุสนฺโธ โพธิสตฺโต วิภวสิริสมุทเยนากุเล อนากุเล พฺราหฺมณกุเล ทสสหสฺสิโลกธาตุํ อุนฺนาเทนฺโต กมฺปยนฺโต อุทปาทิ. เหฏฺฐา วุตฺตปฺปการานิ ปาฏิหาริยานิ นิพฺพตฺตึสุ. ตโต ทสนฺนํ มาสานํ อจฺจเยน เขมวตุยฺยาเน ๑- มาตุกุจฺฉิโต สุวณฺณลตาโต อคฺคิชาโล วิย นิกฺขมิ. โส จตฺตาริ วสฺสสหสฺสานิ อคารํ อชฺฌาวสิ. ตสฺส กิร กามกามวณฺณกามสุทฺธินามกา ๒- ตโย ปาสาทา อเหสุํ โรจินีพฺราหฺมณีปมุขานิ ตึส อิตฺถิสหสฺสานิ ปจฺจุปฏฺฐิตานิ อเหสุํ.