๒๘. พุทฺธปกิณฺณกกถา

[๑-๑๘] "อปริเมยฺยิโต กปฺเป จตุโร อาสุํ วินายกา"ติอาทิกา อฏฺฐารสคาถา ๔- สงฺคีติการเกหิ ฐปิตา นิคมนคาถาติ เวทิตพฺพา. เสสคาถาสุ สพฺพตฺถ ปากฏเมวาติ.

เวมตฺตกถา

อิมสฺมึ ปน สกเลปิ พุทฺธวํเส นิทฺทิฏฺฐานํ ปญฺจวีสติยา พุทฺธานํ อฏฺฐ เวมตฺตานิ เวทิตพฺพา. กตมานิ อฏฺฐ? อายุเวมตฺตํ ปมาณเวมตฺตํ กุลเวมตฺตํ ปธานเวมตฺตํ รสฺมิเวมตฺตํ ยานเวมตฺตํ โพธิเวมตฺตํ ๕- ปลฺลงฺกเวมตฺตนฺติ.