๔๑๖/๔. ๔. มธุมํสทายกตฺเถราปทานวณฺณนา

[๑๐๖] จตุตฺถาปทาเน นคเร พนฺธุมติยาติอาทิกํ อายสฺมโต มธุมํส- ทายกตฺเถรสฺส อปทานํ. ตตฺถ สูกริโกติ สูกรมํสํ วิกฺกิณิตฺวา ชีวิกํ กปฺเปนฺโต. อุกฺโกฏกํ รนฺธยิตฺวาติ ปิหกปปฺผาสมํสํ ปจิตฺวา มธุมํสมฺหิ โอกิรึ ปกฺขิปึ. เตน มํเสน ปตฺตํ ปูเรตฺวา ภิกฺขุสํฆสฺส ทตฺวา เตน ปุญฺญกมฺเมน อิมสฺมึ พุทฺธุปฺปาเท ปพฺพชิตฺวา อรหตฺตํ ปาปุณินฺติ อตฺโถ.