ตตฺถ สรเณ ปญฺจสีเล จาติ ตีณิ สรณานิ ปญฺจ สีลานิ จาติ อตฺโถ. อฏฺฐารเส กปฺปสเตติ อิโต อฏฺฐสตาธิกสฺส กปฺปสหสฺสสฺส อจฺจเยนาติ อตฺโถ.

@๓ อิ. สรณํ ปญฺจสีลญฺจ ๔ ฉ.ม. อิเม ปาฐา น ทิสฺสนฺติ

ตสฺส ปน ภควโต สุธญฺญํ นาม นครํ อโหสิ. ปิตา สุทตฺโต นาม ราชา, มาตา สุจนฺทา นาม เทวี, ปาลิโต จ สพฺพทสฺสี จ เทฺว อคฺคสาวกา, โสภิโต นามุปฏฺฐาโก, สุชาตา จ ธมฺมทินฺนา จ เทฺว อคฺคสาวิกา, กกุธรุกฺโข โพธิ, สรีรํ อสีติหตฺถุพฺเพธํ อโหสิ, นวุติวสฺสสหสฺสานิ อายุ, วิมลา นามสฺส อคฺคมเหสี อโหสิ, กญฺจนาเวโฬ นาม ปุตฺโต, โส ราชญฺญรเถน นิกฺขมีติ. เตน วุตฺตํ:-