[๑๒] ตสฺสาปิ วจนํ สุตฺวา ภิยฺโย จิตตํ ปสาทยึ

อุตฺตรึ วตมธิฏฺฐาสึ ทสปารมิปูริยา"ติ.

ตสฺส ปน ภควโต สรณํ นาม นครํ อโหสิ. สรโณ นาม ราชา ปิตา, สุนนฺทา นาม มาตา, ปทุโม จ ผุสฺสเทโว จ เทฺว อคฺคสาวกา, สุเนตฺโต นาม อุปฏฺฐาโก, เขมา จ สพฺพนามา จ เทฺว อคฺคสาวิกา, พิมฺพิชาลรุกฺโข โพธิ, สรีรํ ปนสฺส อสีติหตฺถุพฺเพธํ อโหสิ, อายุ วสฺสสตสหสฺสํ, วิจิโกฬิเทวี นามสฺส อคฺคมเหสี, ปุญฺญวฑฺฒโน นามสฺส ปุตฺโต, ปาสาเทน นิกฺขมิ. เตน วุตฺตํ:-

[๑๓] "สรณํ นาม นครํ สรโณ นาม ขตฺติโย