[๑๔] ปธานํ ปทหิตฺวาน ฯเปฯ เทสฺสาม สมฺมุขา อิมํ.

[๑๕] ตสฺสาปิ วจนํ สุตฺวา ภิยฺโย จิตฺตํ ปสาทยึ

อุตฺตรึ วตมธิฏฺฐาสึ ทสปารมิปูริยา"ติ.

ตตฺถ มยิ ปพฺพชิเตติ มยิ ปพฺพชิตภาวํ อุปคเต. "มม ปพฺพชิตํ สนฺตนฺ"ติ โปตฺถเกสุ ลิขนฺติ, โส ปมาทเลโขติ เวทิตพฺโพ. อุปปชฺชถาติ อุปฺปชฺชิตฺถ. อุโภ หตฺเถหีติ อุโภหิ หตฺเถหิ. ปคฺคยฺหาติ คเหตฺวาน. ธุนมาโนติ วากจีรานิ วิธุนมาโนว. จาตุวณฺณปริวุตนฺติ จตุปริสปริวุตํ, ขตฺติยพฺราหฺมณ- คหปติสมณปริวุตนฺติ อตฺโถ. "จตุวณฺเณหิ ปริวุตนฺ"ติ ปฐนฺติ เกจิ.