[๕] "ยมกปาฏิหารยํ ๑- ทสฺสยนฺเต สเทวเก

อสีติโกฏิสหสฺสานํ ตติยาภิสมโย อหู"ติ.

อภิภุนา จ สมฺภเวน จ ราชปุตฺเตน สทฺธึ ปพฺพชิตานํ อรหนฺตานํ สตสหสฺสานํ มชฺเฌ นิสีทิตฺวา ปาติโมกฺขํ อุทฺทิสิ, โส ปฐโม สนฺนิปาโต อโหสิ. อรุณวตีนคเร ญาติสมาคเม ปพฺพชิตานํ อสีติยา ภิกฺขุสหสฺสานํ มชฺเฌ นิสีทิตฺวา ปาติโมกฺขํ อุทฺทิสิ, โส ทุติโย สนฺนิปาโต อโหสิ. ธนญฺชยนคเร ธนปาลนาควินยนสมเย ๒- ปพฺพชิตานํ สตฺตติยา ภิกฺขุสหสฺสานํ มชฺเฌ ภควา ปาติโมกฺขํ อุทฺทิสิ, โส ตติโย สนฺนิปาโต อโหสิ. เตน วุตฺตํ:-